بلوچستان کے ضلع نوشکی میں مسلح افراد نے ایک حملے میں پاکستانی فورسز کے چیک پوسٹ کو نشانہ بنایا ہے۔
حملہ نوشکی کے علاقے ہژدہ خول میں گذشتہ رات کیا گیا۔ علاقائی ذرائع کا کہنا ہے کہ حملے کے وقت متعدد دھماکوں سمیت فائرنگ کی آوازیں سنی گئیں۔
حکام نے اس حوالے سے تاحال کوئی موقف پیش نہیں کیا ہے۔
بلوچستان کے دیگر علاقوں کی طرح نوشکی میں بلوچ مسلح آزادی پسند تنظیمیں متحرک ہیں جہاں مختلف نوعیت کے حملوں میں پاکستان فوج، حکومتی حمایت یافتہ افراد کو نشانہ بنایا جاتا رہا ہے۔
اس حملے کی ذمہ داری تاحال کسی نے قبول نہیں کی ہے۔
