دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع کوہلو کے علاقے کاہان میں آج شام نامعلوم مسلح افراد نے پاکستانی نیم فوجی دستے فرنٹیئر کور کے ایک چیک پوسٹ پر حملہ کیا جس کے نتیجے میں چار اہلکار ہلاک ہوئے ہیں۔
اطلاعات کے مطابق آج شام کاہان ایف سی کے ایک چیک پوسٹ پر نامعلوم مسلح افراد نے راکٹوں اور دیگر ہتھیاروں سے ایف سی پر حملہ کردیا جس میں چار اہلکار ہلاک ہوئے ہیں۔
فورسز نے علاقے کو گھیرے میں لیکر سرچ آپریشن کا آغاز کردیا۔
یاد رہے مذکورہ علاقے میں تواتر کے ساتھ پاکستانی فوج اور ایف سی پر حملے ہوتے رہے ہیں اور ان حملوں کی ذمہ داری بلوچ عسکریت پسند تنظیم بلوچ لبریشن آرمی قبول کرتی رہی ہے۔
