حکام نے تصدیق کی ہے کہ تربت میں زبیدہ جلال روڈ پر حیر آباد کے مقام پر ایف سی کانوائے کو مسلح افراد نے نشانہ بنایا، جس کے نتیجے میں ایک ایف سی اہلکار ہلاک جبکہ تین زخمی ہوگئے۔
حکام کے مطابق ایف سی کانوائے آج صبح مند کی جانب جا رہا تھا کہ قریبی پہاڑوں سے مسلح افراد نے اس پر حملہ کیا۔ حملے کے بعد فورسز نے جوابی کارروائی کی، تاہم حملہ آور فرار ہونے میں کامیاب ہوگئے۔
زخمی اہلکاروں کو فوری طبی امداد کے لیے ایف سی ہیڈکوارٹر منتقل کردیا گیا ہے۔
