بلوچستان کے دارالحکومت کوئٹہ میں گھر سے ایک شخص کی لاش ملی ہے جسے فوری طور پر ہسپتال منتقل کردیا گیا۔
ذرائع کے مطابق اختر آباد کلی خلی میں گھر کے کمرے سے گولی لگی لاش برآمد ہوئی ہے، لاش کو فوری طور پر ضروری کارروائی کے لیے بی ایم سی اسپتال منتقل کیا گیا۔
متوفی کی شناخت 28 سالہ عصمت اللہ ولد محمد افضل بادینی سکنہ کلی خلی اختر آباد کے نام سے ہوئی ہے تاہم مذکورہ شخص کے ہلاکت کے محرکات معلوم نہیں ہوسکے ہیں۔
خیال رہے گذشتہ روز بھی کوئٹہ کے علاقے جبل نور کے قریب سے ایک شخص کی لاش برآمد ہوئی تھی جس کی شناخت نہیں ہوسکی۔
