مستونگ مظاہرین کو منتشر کرنے اور بند سڑک کھولنے کے لئے مظاہرین کو زبردستی ہٹانے کی کوشش
تفصیلات کے مطابق مستونگ میں گذشتہ دنوں بم دھماکا اور واقعے میں اسکول کے بچوں کے جانبحق ہونے کے خلاف شہری آج صبح سے کوئٹہ کراچی مرکزی شاہراہ پر دھرنا دیکر سڑک ٹریفک کے لئے بند کردیا ہے جبکہ مستونگ ڈپٹی کمشنر کے دفتر کے سامنے بھی شہری دھرنا دیئے ہوئے ہیں۔
مستونگ مظاہرین کا مطالبہ ہے کہ مستونگ کے ڈپٹی کمشنر کو تبدیل کیا جائے جبکہ مستونگ دھماکے میں ملوث افراد کے شناخت کے حوالے سے رپوٹ جاری کرتے ہوئے فوری گرفتاری عمل میں لائی جائے۔
مستونگ دھرنے کے باعث کوئٹہ کراچی قومی شاہراہ پر گاڑیوں کی لمبی قطاریں لگ گئی ہیں۔
مظاہرین کو منتشر کرنے سڑک کھولنے اور ڈپٹی کمشنر کے دفتر کے سامنے دھرنے پر شہریوں کو ہٹانے کے لئے پولیس کی بھاری نفری جائے وقوعہ پر پہنچ کر شہریوں کو زبردستی ہٹانے کی کوشش کررہی ہے۔
مستونگ مظاہرین نے کہا ہے کہ جب تک حکام بالا ڈپٹی کمشنر کے کے تبادلے کا اعلامیہ جاری کرتے ہوئے مستونگ بم دھماکہ میں ملوث افراد کے خلاف ٹھوس کاروائی کی یقین دھانی نہیں کراتی ہمارا دھرنا جاری رہیگا۔
انہوں نے کہا ہے کہ اگر پولیس نے طاقت کی استعمال کی کوشش کی تو بھر پور مزاحمت کرتے ہوئے مزید سخت احتجاج کرینگے۔
