بلوچستان کے ساحلی شہر گوادر سے اطلاعات ہیں کہ مغرب کے وقت پاکستان فوج کی تیز رفتار گاڑی نے ایک مقامی شخص کو ٹکر مار دیا جس سے وہ شدید زخمی ہوگئے۔
مذکورہ شخص کی شناخت اکبر سکنہ گزروان وارڈ، گوادر کے نام سے ہوئی ہے۔ مقامی لوگوں نے زخمی شخص کو قریبی اسپتال منتقل کیا، زیادہ خون بہنے سے مذکورہ شخص کو انتہائی نگہداشت میں رکھا گیا ہے ۔
مقامی لوگوں نے شکایت کی ہے کہ پاکستان فوج کے قافلے تنگ سڑکوں سے آبادیوں سے تیز رفتاری سے گزرتے ہیں جس کے سبب ایسے واقعات اکثر و بیشتر رونما ہوتے ہیں جبکہ واقعے کے بعد فوجی اہلکاروں زخمی شخص اس کے حال پر چھوڑ دیا تھا۔
