جمعے کے روز پاکستان کے دارالحکومت اسلام آباد میں بلوچستان نیشنل پارٹی کے ایک وفد نے پاکستانی وزیراعظم شہباز شریف سے ملاقات کی۔
وفد میں پارٹی کے مرکزی قائم مقام صدر ملک ولی کاکڑ، مرکزی رہنماء و پاکستانی وزیر حاجی حاشم نوتیزئی شامل تھے ۔
ملاقات میں ماہل بلوچ کی جبری گمشدگی اُن پے لگائے گئے الزامات اور سانحہ بارکھان کے حوالے سے تفصیلی بات چیت ہوئی۔
بی این پی رہنماؤں نے پاکستانی وزیر اعظم سے بلوچستان میں شدت سے جاری ظلم و بربریت،جبری گمشدگیوں اور دیگر مسائل پر بات کرتے ہوئے انہیں جلد حل کرنے کا مطالبہ کیا۔
دریں اثنا بی این پی نے بلوچ خواتین کی جبری گمشدگیوں اور اغواء نما گرفتاریوں پر کل بروز ہفتہ کوئٹہ پریس کلب کے سامنے بھوک ہڑتالی کیمپ اور اہم فیصلوں کا اعلان کیا ہے۔
