بلوچستان کے ضلع پنجگور میں پاکستانی فورسز نے دوران آپریشن مبینہ طور پر بلوچ آزادی پسند مسلح تنظیم سے تعلق رکھنے والے چھ افراد کو مارنے کا دعویٰ کیا ہے۔
تاہم بلوچ آزادی پسندوں کی جانب سے اس کی تصدیق یا تردید تاحال نہیں ہوسکی ہے۔
پاکستان فوج کے شعبہ تعلقاتِ عامہ (آئی ایس پی آر) کے مطابق سیکیورٹی فورسز نے بلوچستان کے علاقے پروم میں آزادی پسندوں کے کیمپ پر آپریشن کیا۔
آئی ایس پی آر کے مطابق فورسز سے فائرنگ کے تبادلے میں بلوچستان لبریشن فرنٹ سے تعلق رکھنے والے چھ ارکان مارے گئے۔
فورسز نے مذکورہ افراد کے قبضے سے بھاری مقدار میں اسلحہ اور گولہ بارود بھی برآمد کرنے کا دعویٰ کیا ہے۔
