بلوچستان کے ضلع پنجگور سے پاکستانی فورسز نے ایک شخص کو حراست میں لینے کے بعد نامعلوم مقام منتقل کردیا ہے۔
فورسز کے ہاتھوں لاپتہ شخص کی شناخت سعد اللہ ولد حاجی حمید کے نام سے ہوئی ہے۔
مذکورہ شخص کو فورسز نے پنجگور کے علاقے گرمکان سے حراست میں لے کر لاپتہ کردیا ہے۔
خیال رہے کہ بلوچستان میں لاپتہ افراد کا نارکنے والا سلسلہ تاحال جاری ہے۔
گذشتہ دنوں کیچ کے علاقے ہیرونک سے فورسز نے ایک 11 سالہ بچہ سمیت تین افراد کو لاپتہ کردیاتھا۔
حراست بعد،لاپتہ ہونے والوں کی شناخت شھمیر ولد بدل ، نذیر ولد بنگل اور اس کے گیارہ سالہ بچے سے ہوئی ہے۔
پاکستانی فورسز کی ان کاروائیوں کےخلاف بدھ کے روز ہیرونک کی عوام نے احتجاجاً سی پیک شاہراہ کو بلاک کردیاتھا۔
