نیشنل پارٹی کے صوبائی ترجمان نے کہا ہے کہ ملک کے نامور ڈاکٹرز نے کورونا وائرس لاک ڈاون میں نرمی کے مناسبت سے جن خدشات کا اظہار کیا وہ تشویشناک ہیں ، لاک ڈوان میں نرمی کی وجہ سے وائرس متاثرین کی تعداد میں تیزی سے اضافہ ہوا، حکومت کو کسی بھی فیصلے سے قبل ڈاکٹرز برادری اور متعلقہ شعبےکے ماہرین سے مشاورت کو یقینی بنانا چاہئےتھا لیکن ایسا نہیں کیا گیا۔
بیان میں کہا گیا کہ حکومت کو ابھی تک حالات کی سنگینی کا ادراک ہی نہیں خطرناک وائرس سے نمٹنے کے بجائے گو مگو کی کیفیت سے دوچار ہے،لیکن اس کے برعکس میڈیا میں بلند وبانگ دعووں کے ساتھ مخالفین کے خلاف طوفان بدتمیزی برپا کیا گیا ہے جو حکومت کی ناقص بصیرت کی نشاندہی کرتا ہے۔
بیان میں کہا گیا کہ ملک کے نامور ڈاکٹرز نے صحت کی سہولیات کے حوالے سے استعداد اور حالات کی نزاکت کو مدنظر سمجھتے ہوئے جن خدشات کا اظہار کرتے ہوئے کہا کہ ملک کسی بھی قسم کی غفلت کا متحمل نہیں ہوسکتا کوتاہی اور غلط اقدامات معاملات کو مزید پیچیدہ و سنگین بنا سکتے لہذا حکومت کو سنجیدگی و بصیرت سے کام لینا ہوگا وائرس سے نمٹنے کے لیے ڈاکٹرز و ماہرین کے تجربات سے استعفادہ کرنے لیے ہر ممکن اقدامات کی ضرورت ہے۔
