بلوچستان لبریشن فرنٹ کے ترجمان گہرام بلوچ نے نامعلوم مقام سے سٹیلائیٹ فون کے ذریعہ میڈیا سے بات کرتے ہوئے کہا کہ 15 جولائی کو علی الصبح پاکستانی فوج کی دو گن شپ ہیلی کاپٹروں نے مشکے کُلان میں بی ایل ایف کے کیمپ پر حملہ کیا اور مختلف مقامات پر شدید شیلنگ کی۔ بی ایل ایف سرمچاروں نے خود کار بھاری ہتھیاروں سے جوابی فائرنگ اوردو گھنٹے تک جنگی ہیلی کاپٹروں کا دلیری سے مقابلہ کرکے دشمن کے حملے کو پسپا کرکے بھاگنے پر مجبور کیا۔ دشمن کے ہیلی کاپٹروں کو معمولی نقصان پہنچا اور سرمچار بحفاظت نکلنے میں کامیاب ہوگئے۔
گہرام بلوچ نے کہا کہ کل رات آواران کے علاقے پیراندر پنڈوک میں فوجی چوکی پر راکٹ اور بھاری ہتھیاروں سے حملہ کرکے دشمن کو جانی و مالی نقصان پہنچایا۔
گہرام بلوچ نے کہا کہ تیرہ جولائی کو زعمران کے علاقے کلگ وکائی میں فوجی کیمپ کے مورچہ پر اسنائپر رائفل سے حملہ کرکے ایک فوجی اہلکار کو ہلاک کیا۔ اسنائپر حملہ کے بعد قابض فوج نے سرمچاروں کا پیچھا کرنے کی کوشش کی تو سرمچاروں نے فوج کو شکست دیکر بحفاظت نکلنے میں کامیاب ہوگئے۔ یہ حملے بلوچستان کی آزادی تک جاری رہیں گے۔
