بلوچستان کے ساحلی شہر گوادر کے علاقے جیونی میں پاکستانی فورسز کوسٹ گارڈز کے ایک گاڑی کو نامعلوم افراد نے بم حملے میں نشانہ بنایا ہے۔
ضلع گوادر کے علاقے جیونی میں نامعلوم افراد نے پولیس چونگی، تاک تیاب دپ کے مقام پر کوسٹ گارڈز کی گاڑی پر دستی بم پھینک کر فرار ہو گئے۔
واقعہ کے بعد فورسز کی بڑی تعداد جائے وقوعہ پر جمع ہوگئی تاہم ابتک عسکری ذرائع سے کوئی موقف سامنے نہیں آیا ہے۔
واضح رہے کہ مذکورہ علاقے میں اس سے پہلے بھی پاکستانی فورسز پر حملے ہوتے رہے ہیں جن کی ذمہ داری بلوچستان میں سرگرم مسلح آزادی پسند تنظیمیں قبول کرتی رہی ہیں، تاہم آج ہونے والے حملے کی ذمہ داری تاحال کسی تنظیم نے قبول نہیں کی ہے۔
