ریلوے حکام کے مطابق کوئٹہ سے پشاور جانے والی جعفر ایکسپریس آج اتوار کو منسوخ کر دی گئی ہے، جبکہ پشاور سے کوئٹہ آنے والی جعفر ایکسپریس کو جیکب آباد تک محدود کرکے وہیں سے واپس روانہ کیا جائے گا۔
واضح رہے کہ سیکیورٹی خدشات کے پیشِ نظر بلوچستان میں ٹرین سروس کی معطلی معمول بنتی جا رہی ہے۔ کوئٹہ سے پاکستان کے مختلف شہروں کے لیے چلنے والی ٹرینوں میں سیکیورٹی فورسز کے اہلکاروں کے سفر اور ٹرینوں پر ہونے والے حملوں کے خدشات کے باعث متعدد بار ٹرینوں کو بلوچستان کی حدود میں روک دیا جاتا ہے۔
