بلوچستان کے ضلع کیچ سے پاکستانی فورسز نے نوجوان کو حراست میں لینے کے بعد نامعلوم مقام منتقل کردیا ہے۔
لاپتہ ہونےوالے نوجوان کی شناخت میر وائس ولد خلیل احمد کے نام سے ہوئی ہے۔
ذرائع کے مطابق مذکورہ نوجوان کو فورسز نے 28 فروری کی رات گئے تربت کے علاقے آبسر سے ان کے گھر پر چھاپہ مارکر حراست میں لیا ہے۔
خاندانی ذرائع نے واقعہ کی تصدیق آج کرتے ہوئے کہا کہ میروائس تاحال فورسز کے تحویل میں ہے اس کے حوالے سے اہلخانہ کو اب کچھ نہیں بتایا گیا ہے وہ کہاں اور اس حال میں ہیں۔
خیال رہے کہ آج جبری گمشدگی کا یہ دوسرا واقعہ ہے جو رپورٹ ہوا ہے۔ اس سے قبل گوادر کے علاقے کلانچ میں پاکستانی فورسز نے ایک نوجوان کو حراست میں لے کر لاپتہ کردیا، جسکی شناخت حمید بلوچ ولد بابو محراب کے نام سے ہوئی ہے۔
