بلوچ لبریشن آرمی کے ترجمان جیئند بلوچ نے میڈیا کو جاری کردہ بیان میں کہا کہ بی ایل اے کے سرمچاروں نے گذشتہ رات بولان اور مچھ کے علاقے مارگٹ میں جعفری کے مقام پر قابض پاکستانی فوج کے پوسٹ کو حملے میں نشانہ بنایا۔
ترجمان نے کہا کہ بی ایل اے کے اسنائپر شوٹر نے پوسٹ پر معمور دشمن اہلکار کو نشانہ بنایا جو موقع پر ہلاک ہوگیا، بعدازاں سرمچاروں نے مختلف ہتھیاروں سے دشمن اہلکاروں پر حملہ کیا جس کے نتیجے میں مزید ایک اہلکار ہلاک اور دو زخمی ہوگئے۔ ہلاک اہلکاروں میں سے ایک کی شناخت عرفان کے نام سے ہوئی ہے۔
انہوں نے مزید کہا کہ حملے کے بعد سرمچار اپنے محفوظ ٹھکانوں کو پہنچ گئے جبکہ دشمن فوج کا ایک ہیلی کاپٹر مذکورہ علاقے میں لاشوں کو اٹھانے کیلئے پہنچا تھا۔
جیئند بلوچ نے کہا کہ بی ایل اے کے حملے مقصد کے حصول تک دشمن پر شدت کےساتھ جاری رہینگے۔
