مشکوک شخص سے شناخت پوچھنے پر اندھا دھند فائرنگ شروع کردی جس کے نتیجے میں متعدد افراد زخمی ہوگئے ۔
دی بلوچستان پوسٹ نیوز ڈیسک کو ملنے والی اطلاعات کے مطابق بلوچستان کے ضلع چاغی کے ہیڈ کوارٹر دالبندین میں مسلح افراد نے فائرنگ کرکے متعدد افراد کو زخمی کردیا ۔
زخمی افراد میں سے ایک شخص زخموں کی تاب نہ لاتے ہوئے چل بسے ۔
ٹی بی پی زرائع کے مطابق عشاء کی نماز پڑھنے کے بعد لوگوں نے مسجد کے باہر ایک مشکوک شخص سے اس کی شناخت پوچھا جس کے بعد آپسی تکرار شروع ہوئی ۔
تکرار کے دوران مشکوک شخص کے دیگر ساتھیوں نے اندھا دھند فائرنگ شروع کردی جس کے نتیجے میں ظفر رند ، ابراہیم رند ،وزیر سمالانی اور ثنا اللہ سمالانی زخمی ہوئیں۔
آخری اطلاعات تک ابراہیم رند نامی نوجوان زخموں کی تاب نہ لاتے ہوئے چل بسے ۔
دی بلوچستان پوسٹ کو موصول ہونے والی ایک ویڈیو میں زخمی افراد سول ہسپتال دالبندین میں پڑے ہوئے ہیں تاہم وہاں پہ ہسپتال کا عملہ موجود نہیں ہے ۔
