بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ بیان میں کہا ہے کہ سرمچاروں نے مورخہ تین فروری بروز پیر بوقت صبح دس بجے کیچ کے علاقے ہیرونک میں سی پیک روڈ پر ریاستی فورسز کو آئی ای ڈی حملے میں نشانہ بنایا، ایک فوجی گاڑی حملے کی زد میں آئی جس کے نتیجے میں قابض فوج کے تین اہلکار ہلاک اور گاڑی کو شدید نقصان پہنچا۔
انہوں نے کہا کہ حملے کے فوراً بعد مذکوره مقام پر ہیلی کاپٹر پہنچے اور شیلنگ کی جبکہ 900 میٹر کے فاصلے پر قائم فوجی چوکی سے فائرنگ کی گئی لیکن جنگی حکمت عملیوں کے ماہر سرمچار بحفاظت وہاں سے نکلنے میں کامیاب ہوگئے اور اپنے محفوظ مقام کی جانب منتقل ہوئے۔
ترجمان نے کہا کہ بی ایل ایف کی منظم کاروائیاں شہروں اور دیہاتوں میں منظم طریقے سے جاری ہیں جو تنظیم کی بہترین جنگی حکمت عملیوں کی عکاسی کرتی ہے۔
انہوں نے کہا کہ بی ایل ایف اس حملے کی ذمہ داری قبول کرتی ہے اور اس عزم کا اعادہ کرتی ہے کہ بلوچستان سے قابض فوج کے انخلاء تک قابض فوج اور ان کے تنصیبات کو نشانہ بناتی رہے گی۔
