بلوچستان کے ضلع آواران کے سب تحصیل گیشکور میں نامعلوم مسلح افراد نے فائرنگ کر کے میاں بیوی کو قتل کر دیا۔
اطلاعات کے مطابق جمعرات اور جمعہ کی درمیانی شب ضلع آواران کے سب تحصیل گیشکور کے علاقے گشانگ میں نامعلوم مسلح افراد نے دلمراد ولد جان محمد کے گھر میں گھس کر فائرنگ کردی جس کے نتیجے میں دلمراد ولد جان محمد اور ان کی زوجہ نور بی بی موقع پر ہلاک ہوگئے۔
اطلاع ملتے ہی لیویز فورس جائے وقوعہ پر پہنچ گئی۔ لیویز کے مطابق مزید تحقیق کی جارہی ہے۔ واقعے کے محرکات تاحال معلوم نہیں ہوسکے ہیں۔
