ضلع کیچ کے تحصیل مند کے علاقے ردیگ میں مسلح افراد کی بڑی تعداد نے داخل ہوکر مختلف مقامات پر چیک پوائنٹس قائم کرکے علاقے کا کنٹرول سنبھال لیا۔
علاقائی ذرائع کے مطابق پاکستانی فورسز کے کیمپ کو بھی حملے میں نشانہ بنایا گیا، جبکہ علاقے میں شدید فائرنگ اور دھماکوں کی آوازیں سنی گئی۔
اس دوران مسلح افراد نے کسٹم چیک پوسٹ پر کنٹرول حاصل کرنے کے بعد اسے نذرِ آتش کردیا۔ مسلح افراد کی جانب سے ایک کوڈا کاپٹر کو مار گرانے کی اطلاعات ہیں۔
واضح رہے کہ مذکورہ علاقے میں بلوچ آزادی پسند مسلح تنظیمیں متحرک ہیں، جبکہ گزشتہ دنوں بھی مند کے علاقوں بلوچ آباد اور بلو میں مسلح افراد نے داخل ہوکر کئی گھنٹوں تک علاقے کا کنٹرول حاصل کیا تھا۔ تاہم ان واقعات کی ذمہ داری تاحال کسی تنظیم نے قبول نہیں کی ہے۔
