ضلع کیچ کے مرکزی شہر تربت میں ایم ایٹ روڈ پر پاکستانی فورسز نے افغان مہاجرین کو لے جانے والی ایرانی کروزر گاڑی پر فائرنگ کردی، جس کے نتیجے میں ایک افغان خاتون مہاجر اور گاڑی کا ڈرائیور زخمی ہوگئے۔
ذرائع کے مطابق، ایرانی کروزر گاڑی میں 25 افغان مہاجرین سوار تھے۔ فائرنگ سے زخمی ہونے والوں میں عصا ولد عبدالطیف، سکنہ میری بگ، بھی شامل ہیں۔
زخمیوں کو طبی امداد کے لیے ہسپتال منتقل کردیا گیا ہے۔
واضح رہے کہ بلوچستان میں اس سے قبل بھی پاکستانی فورسز کی جانب سے مسافر اور مال بردار گاڑیوں پر فائرنگ کے واقعات میں جانی و مالی نقصانات کے کیسز رپورٹ ہوئے ہیں۔
