بلوچستان کے ضلع حب میں ہفتے کی شب ایک مبینہ بم دھماکے میں نیشنل لاجسٹکس کارپوریشن کی ایک گاڑی کو نشانہ بنائے جانے کی اطلاعات موصول ہوئی ہیں۔
مقامی ذرائع کے مطابق واقعہ حب شہر میں گلف ہوٹل کے قریب پیش آیا، جہاں مبینہ طور پر این ایل سی کی گاڑی کو دیسی ساختہ بم آئی ای ڈی کے ذریعے نشانہ بنایا گیا۔
این ایل سی پاکستان فوج کی ملکیت میں کمپنی ہے، جو لاجسٹکس اور ٹرانسپورٹ کے شعبے میں خدمات انجام دیتی ہے۔
دھماکے کے بعد جائے وقوعہ سے آگ کے شعلے بلند ہونے کی اطلاعات سامنے آئی ہیں۔
ابتدائی اطلاعات میں دھماکے کی نوعیت اور اس کے نتیجے میں ہونے والے جانی یا مالی نقصان کی فوری طور پر تصدیق نہیں ہو سکی۔ ناہی واقعہ کی ذمہ داری تاحال کسی نے قبول کی ہے۔
