بلوچ ریپبلکن گارڈز کے ترجمان دوستین بلوچ نے میڈیا کو بھیجے گئے اپنے بیان میں کہا ہے کہ سرمچاروں نے نصیر آباد کے علاقے ڈیرہ مراد جمالی میں صدر تھانہ کی حدود، چھتر روڈ کے قریب اوچ پاور پلانٹ سے جانے والی بجلی کے دو بڑے ٹاورز کو دھماکہ خیز مواد نصب کر کے نشانہ بنایا۔
ترجمان کے مطابق دھماکے کے نتیجے میں ایک ٹاور زمین بوس ہوگیا جبکہ دوسرے کو شدید نقصان پہنچا۔
دوستین بلوچ نے مزید کہا بلوچ ریپبلکن گارڈز کے سرمچاروں نے بلوچستان کے ضلع سبی کے علاقے بختیار آباد کے قریب روڈ پر ناکہ لگا کر رسد لے جانے والی ایک گاڑی کے ٹائروں پر فائرنگ کر کے انہیں تباہ کردیا۔
ترجمان کا کہنا تھا ہماری تنظیم بلوچ ریپبلکن گارڈز ان حملوں کی ذمہ داری قبول کرتی ہے اور اس طرح کے حملے بلوچستان کی آزادی تک جاری رہیں گے۔
