بلوچستان کے علاقے ڈیرہ بگٹی کے علاقے زین کوہ میں گیس ویل نمبر چھ اور نو کے دو گیس پائپ لائنوں کو آج علی الصبح نامعلوم افراد نے دھماکہ خیز مواد سے نشانہ بنایا ہے۔ دھماکوں کے بعد گیس کی سپلائی معطل ہو گئی۔
دوسری جانب زین کوہ کے علاقے میں دو مختلف مقامات پر فورسز پہ بم دھماکوں کی غیرمصدقہ اطلاعات ہیں۔
اطلاعات کے مطابق ایک حملے میں فوجی قافلے کو نشانہ بنایا گیا، جس میں ایک گاڑی کے نقصانات کا سامنا رہا ہے، جبکہ دوسرا دھماکہ اس وقت ہوا جب فوجی قافلہ پیدل پیش قدمی کر رہے تھے۔
دونوں حملوں میں فورسز کو جانی اور مالی نقصان کے اطلاعات ہیں۔ تاہم حملوں کی ذمہ داری تاحال کسی نے قبول نہیں کی ہے۔
