نیشنل پارٹی کے مرکزی ترجمان نے ایک بیان میں کہا ہے کہ بلدیاتی انتخابات کے آخری مرحلہ میں نیشنل پارٹی نے بلوچستان بھر میں اپنے اتحادی پینلز کے ساتھ مل کر بھرپور مقابلہ کیا۔
ترجمان نے کہاکہ پنجگور، مستونگ اور قلات میں نیشنل پارٹی اور اس کے اتحادیوں کو کامیابی حاصل ہوئی جبکہ تربت خضدار کچھی بارکھان سمیت مختلف اضلاع میں پارٹی اور اتحادی دوسرے نمبر پہ رہے جو خوش آئند عمل ہے کیونکہ ان انتخابات میں سرکاری مشینری کا بے دریغ استعمال ہوا۔
ترجمان نے کہاکہ کونسلران کو فنڈ ،اسکیم کے علاوہ براہ راست نوازا گیا ایسی صورتحال میں کانٹے دار مقابلہ کرکے نیشنل پارٹی نے ثابت کردیا کہ وہ واحد سنجیدہ سیاسی جماعت ہے جو بلوچستان کے مجموعی عوام سمیت جمہوری سیاسی جماعتوں کو جوڑنے میں اہم کردار ادا کرسکتا ہے ۔
