کیچ: پاکستانی فورسز کے چوکی پر حملہ

بلوچستان کے ضلع کیچ کے تحصیل تمپ میں نامعلوم افراد نے ایک پاکستانی فوجی چوکی پر حملہ کیا ہے –

دی بلوچستان پوسٹ نیوز ڈیسک کو موصول ہونے والی اطلاعات کے مطابق حملہ جمعہ کی شپ تحصیل تمپ کے علاقے تگران آباد چوکی پر ہوا ہے –

ذرائع کے مطابق نامعلوم افراد نے سیکورٹی فورسز کے چیک پوسٹ پر مختلف ہتھیاروب سے حملہ کیا جس کی وجہ سے دور تک فائرنگ اور دھماکوں کی آوازیں سنی گئی ہیں –

ابتدائی اطلاعات کے مطابق انتظامیہ کی طرف سے کسی قسم کی جانی نقصانات اور حملے کی تفصیلات پر کوئی موقف سامنے نہیں آیا ہے –

مذکورہ علاقے میں بلوچ مسلح آزادی پسند تنظیمیں متحرک ہیں جو مختلف اوقات میں پاکستانی فورسز اور حکومتی حمایت افراد کو نشانہ بناتے رہے ہیں۔

تاہم حملے کی ذمہ داری تاحال کسی تنظیم کی طرف سے قبول نہیں کیا گیا ہے –