دی بلوچستان پوسٹ نیوز ڈیسک کو موصول ہونے والی ایک ویڈیو کے مطابق بختیار آباد کے رہائشی محمد نواز نامی ایک شخص نے اپنی بیوی کے ہمراہ ویڈیو ریکارڈنگ دورانیہ میں یہ الزام عائد کررہا ہے کہ اسکی بیٹی لمی کو گذشتہ دنوں بااثر شخصیت اٹھا کر لے گئے ہیں جس کے حوالے سے تاحال کچھ معلوم نہیں ہوا کہ وہ کہاں ہے۔
ان کا کہنا کہ ملزمان کے بااثر ہونے کی وجہ سے پولیس انہیں گرفتار نہیں کررہی ہے جبکہ ملزمان کو قبائلی سردار کے بیٹے کی پشت پناہی حاصل ہے۔
انہوں نے بتایا کہ اختیار ولد قادر بخش وزیرانی کی سربراہی میں ملزمان ہماری بچی کو زبردستی اٹھا کر لے گئے۔ اللہ ہی جانے ہماری بچی کس حال میں ہوگی۔ اغواء کار ہماری بیٹی کو قتل کردیں گے۔
انہوں نے چیف جسٹس سپریم کورٹ، چیف جسٹس ہائی کورٹ بلوچستان، آئی جی بلوچستان، ڈی آئی جی نصیر آباد، ایس ایس پی نصیرآباد سمیت دیگر قانون نافذ کرنے والے اداروں سے بیٹی بازیاب کرانے کی اپیل کی ہے۔
تاہم اس حوالے سے انتظامیہ کا موقف تاحال سامنے نہیں آیا ہے
