اطلاعات کے مطابق گزشتہ روز جامعہ کراچی سے خفیہ ادارے کے اہلکاروں نے ایک اور بلوچ طالبعلم کو اغوا کرلیا۔
نمائندہ ٹی بی پی کو موصول تفصیلات کے مطابق گزشتہ روز جامعہ کراچی سے شام پانچ سے چھ بجے کے بیچ ایک بلوچ طالب علم صغیراحمد کو سادہ کپڑوں میں ملبوس خفیہ اداروں کے اہلکاروں نے اس وقت اغوا کیا جب وہ میں کینٹین میں موجود تھے۔
صغیراحمد جامعہ کراچی میں پولیٹیکل سائنس کے طالبعلم ہیں اور ان کا تعلق بلوچستان کے ضلع آواران کے علاقے تیرتج سے ہے۔
یاد رہے کہ صغیر احمد گزشتہ پانچ دنوں میں کراچی سے اغوا ہونے والے تیسرے طالبعلم ہیں، ان سے پہلے گزشتہ دنوں جامعہ کراچی کے ہی طالبعلم ثناءاللہ بلوچ اور حسام بلوچ ایجنسیوں کے ہاتھوں لاپتہ ہوئے ہیں۔
