خاران کے مختلف علاقوں فورسز کیجانب سے آپریشن
دی بلوچستان پوسٹ ویب ڈیسک کو موصول ہونے والی اطلاعات کے مطابق خاران کے مختلف علاقوں میں فورسز کی جانب سے آپریشن اور گھروں پر چھاپے مارے گئے۔
تفصیلات کے مطابق خاران کے علاقوں قلعہ محلہ، یاسین گز محلہ، مگیری محلہ، شیروزی، کلان، ہسپتال محلہ، گزی اور گروک میں فورسز کی جانب سے آپریشن کی گئی ہے۔
جبکہ بعض میڈیا ذرائع کے مطابق فورسز نے دوران آپریشن متعدد افراد کو حراست میں لینے کے بعد نامعلوم مقام پے منتقل کردیے گئے ہیں تاہم آزاد ذرائع سے کسی قسم کے گرفتاری بابت تصدیق نہیں ہوسکی ہے۔
واضح رہے گذشتہ مہینے بھی فورسز کی جانب سے خاران شہر سمیت مختلف علاقوں تواتر کے ساتھ کئی دنوں تک آپریشن کی گئی تھی، دوران آپریشن فورسز کیجانب سے لوگوں کو زد و کوب کرنے سمیت گھروں میں موجود اشیاء کی توڑ پھوڑ کرنے کی خبریں موصول ہوئی تھی۔
یہ بھی پڑھیں:
خاران: گزشتہ روز فورسز پر حملے میں زخمی ہونے والی خاتون جانبحق
علاقائی ذرائع کے مطابق گذشتہ مہینے دوران آپریشن فورسز نے تین افراد قزافی، افتخار اور سہیل قمبرانی کو حراست میں لینے کے بعد لاپتہ کردیا تھا، بعد میں سہیل قبمرانی بازیاب ہوگیا جبکہ قزافی اور افتخار تاحال لاپتہ ہیں۔
