بلوچستان کے ضلع قلات سے موصولہ اطلاعات کے مطابق دشت گوران میں پاکستانی فوج کے جیٹ طیاروں نے گزشتہ شب بمباری کی ہے۔
تاہم، فوری طور پر جانی نقصانات کے حوالے سے تاحال تفصیلات موصول نہیں ہو سکی ہیں۔
خیال رہے کہ بلوچستان کے بیشتر علاقوں میں غیر اعلانیہ فوجی آپریشن جاری ہے، جس کے سبب مقامی آبادیوں کو شدید نقصانات کا سامنا ہے۔
گزشتہ دنوں مستونگ کے علاقے کھڈ کوچہ میں ایک گھر پر ڈرون حملہ کیا گیا تھا، جبکہ رواں سال خضدار کے کرخ علاقے میں آبادیوں پر ڈرون حملوں سے جانی نقصان ہوا ہے۔
جبکہ گزشتہ ماہ سوراب میں پاکستانی فضائیہ کی بمباری سے تقریباً 22 شہری جاں بحق اور زخمی ہوئے تھے۔
