گذشتہ سال آواران میں بلیک میل کرکے خاتون ٹیچر کو خودکشی کرنے پر مجبور کرنے والے شخص کو آج مسلح افراد نے فائرنگ کرکے ہلاک کردیا ہے۔
فائرنگ کا واقعہ آواران کے علاقے گیشکور بازار میں پیش آیا ہے۔ جہاں مسلح افراد نے فائرنگ کرکے نوربخش کو ہلاک کردیا۔
فائرنگ کے بعد حملہ آور فرار ہونے میں کامیاب ہوگئے جبکہ حملہ آور اس کے بندوق اور موٹر سائیکل بھی اپنے ساتھ لے گئے۔
مذکورہ شخص کے بارے میں بتایا جارہا ہے اس کا تعلق پاکستانی خفیہ ایجنسیوں سے تھا۔
خیال رہے کہ مذکورہ شخص پہ یہ بھی الزام ہے جس نے گذشتہ سال ایک خاتون ٹیچر نجمہ کو بلیک میل کرکے خودکشی کرنے پہ مجبور کیا تھا۔
نجمہ بلوچ کی خودکشی کے بعد سماجی حلقوں میں شدید مخالف اور احتجاج کے بعد حکام نے مذکورہ شخص کو پہلے گرفتار کیا تاہم بعدازاں اس کو چھوڑ دیا، آج مسلح افراد نے فائرنگ کرکے اس کو ہلاک کردیا۔
