بلوچستان کے علاقے مستونگ میں پاکستانی فورسز کی رسد گاڑیوں کو مسلح افراد نے حملے میں نشانہ بنایا ہے، علاقے میں دیر تک جھڑپیں جاری رہی تاہم فورسز رسد پہنچانے میں ناکام رہیں۔
مستونگ کے علاقے دشت میں کرّی ڈور کے مقام پر مسلح افراد نے اس وقت پاکستانی فورسز کو حملے میں نشانہ بنایا جب وہ اپنے کیمپوں کیلئے رسد لے جارہے تھے۔ حملے کے بعد جھڑپوں کا آغاز ہوا جو دیر تک جاری رہی۔
ذرائع کے مطابق جھڑپوں میں فورسز کو جانی نقصانات کا سامنا کرنا پڑا ہے۔ اس دوران گن شپ ہیلی کاپٹروں سے مختلف مقامات پر شیلنگ کی گئی تاہم فورسز رسد پہنچانے میں ناکام رہیں۔
حکام نے تاحال واقعے کے حوالے سے کوئی تفصیلات فراہم نہیں کی ہے۔
