بلوچ یکجہتی کمیٹی کی رہنماء ڈاکٹر ماہ رنگ بلوچ نے اپنے بیان میں کہا ہے کہ بلوچ یکجہتی کمیٹی اس وقت گوادر میں سیلاب سے متاثرہ علاقوں میں تین مرحلوں میں کام کررہی ہے۔
انہوں نے کہا کہ پہلے مرحلے میں ہماری ٹیم نے سیلاب سے متاثرہ علاقوں میں سروے کیے اور صورتحال کا جائزہ لیا۔ دوسرے مرحلے میں سیلاب سے متاثرہ علاقوں میں میڈیکل کیمپ قائم کرکے طبی سہولیات فراہم کی جارہی ہیں۔ تیسرے مرحلے میں سیلاب سے متاثرہ علاقوں میں ضرورت کے بنیادی اشیاء فراہم کی جائیں گی۔
