فاتح انداز میں کپ اُٹھائے گھڑے مایہ ناز کھلاڑی کو انسٹاگرام پر سب سے زیادہ پسند کئے جانے والے تصویر کا اعزاز حاصل ہوا–
ارجنٹینا کے کپتان لیونل میسی نے کرسٹیانو رونالڈو سے سوشل میڈیا کی دنیا کا بڑا اعزاز چھین لیا ویسے تو لیونل میسی اورکرسٹیانو رونالڈو کے مداحوں کے درمیان ’گریٹ آف آل ٹائمز‘ (GOAT) سے متعلق بحث جاری رہتی ہے، کیونکہ دونوں ہی ایک دوسرےکے ہم پلہ فٹبالرز ہیں۔
19 نومبر کو کرسٹیانو رونالڈو نے انسٹاگرام پر اپنی اور میسی کی تصویر کو شیئر کیا جس میں دونوں کو علامتی طور پر شطرنجکھلتے ہوئے دیکھا جاسکتا ہے مذکورہ پوسٹ کو انسٹاگرام پر 5 کروڑ 46 لاکھ سے زائد صارفین نے پسند کیا جو اب تک کسی بھیکھلاڑی کی سب سے زیادہ پسند کی جانے والی پوسٹ تھی۔
تاہم اب لیونل میسی نے رونالڈو سے ان کا یہ اعزاز بھی چھین لیا جہاں ان کی جانب سے ورلڈکپ جیتنے کے بعد ٹرافی کے ساتھ شیئرکی گئی پوسٹ کو 4 کروڑ 68 لاکھ سے زائد صارفین پسند کرچکے ہیں۔
واضح رہے کہ یہ کسی بھی کھلاڑی کی اب تک سب سے زیادہ پسند کی جانے والی پوسٹ بن گئی ہے۔
خیال رہے کہ ایک روز قبل قطر کے لوسیل اسٹیڈیم میں کھیلے گئے فیفا ورلڈکپ فائنل میں لیونل میسی کی کپتانی میں ارجنٹینا نےفرانس کو شکست دے کر تیسری مرتبہ عالمی اعزاز اپنے نام کیا مذکورہ میچ میں میسی نے 2 گول بھی اسکور کیے تھے، میچ 3-3 سےبرابر رہا تھا جس کے بعد اس کا فیصلہ پنالٹی شوٹ آؤٹ پر ہوا جس میں ارجنٹینا نے 2-4 سے کامیابی سمیٹی۔
