بلوچستان لبریشن فرنٹ کے ترجمان میجر گہرام بلوچ نے بلوچستان میں پاکستانی فوج کے ایک میجر سمیت 10 اہلکاروں کے ہلاکت کی ذمہ داری قبول کرلی ہے۔
بی ایل ایف کے ترجمان نے کہا کہ بلوچستان کے ضلع پنجگور کے علاقے گچک کہن میں گذشتہ شب 21 اور 22 اپریل کی درمیانی رات سرمچاروں نے راکٹوں اور بھاری ہتھیاروں سے حملہ کرکے پاکستانی فوج کے ایک میجر اور ایک سپاہی کو ہلاک کیا۔
ترجمان نے کہا کہ حملے کے فوراً بعد فورسز کی بیک اپ کیلئے آنے والے ٹیم کو مذکورہ حملے کے جائے وقوعہ سے دس کلومیٹر دُور پہلے سے گھات لگائے تنظیمی ساتھیوں نے نشانہ بنایا، جس میں آٹھ موٹر سائیکلوں پر مشتمل 16اہلکار سوار تھے جن میں 8 اہلکار موقع پر ہلاک ہوئے جبکہ کئی زخمی ہوئے۔
ترجمان نے کہا کہ دشمن فورسز پر اس طرح کے حملے بلوچستان کی آزادی تک جاری رہیں گے۔
