بلوچستان کے دارالحکومت کوئٹہ میں سریاب روڈ پر بم دھماکے کے نتیجے میں دو افراد زخمی ہوئے ہیں۔ دھماکہ سریاب روڈ پر مِل کے مقام پر اس وقت ہوا جب وہاں سے ایک لوکل بس گزر رہی تھی۔
زخمیوں میں ایک راہ گیر اور بس کلینر شامل ہیں۔ جبکہ بس کو بھی نقصان پہنچا ہے۔
دھماکے کے بعد فورسز اہلکار جائے وقوعہ پر پہنچ گئے جبکہ علاقے کو گھیرے میں لیکر تحقیقات کا آغاز کردیا گیا۔
حکام نے دھماکے کی نوعیت کے حوالے تاحال کوئی تفصیلات فراہم نہیں کی ہے۔
