کیلکور کے علاقے سے گزرنے والی سی پیک روٹ پر نامعلوم مسلح افراد کا فورسز کی گاڑی پر حملہ
دی بلوچستان پوسٹ نیوز ڈیسک کو موصول ہونے والی اطلاعات کے مطابق ضلع پنجگور کے علاقے کیلکور سے گزرنے والی سی پیک روٹ پر نامعلوم مسلح افراد نے فرنٹیئر کور ( ایف سی )کی گاڑی پر حملہ کر دیا جس کے نتیجے میں ایک اہلکار ہلاک جبکے متعدد اہلکاروں کی شدید زخمی ہونے کی اطلاع ہے۔
تفصیلات کے مطابق کیلکو ر کے علاقے کرکی میں سی پیک روڈ کی حفاظت پر مامور سیکیورٹی فورسز کی گاڑی پر نامعلوم مسلح افرادنے حملہ کر دیا ، جس کے نتیجے فورسز کا ایک اہلکار موقعے پر ہلاک جبکے معتدد اہلکار شدید زخمی ہوگئے ۔
ریسکیو ذرائع کے مطابق لاش اور زخمیوں کو ہسپتال منتقل کر دیا گیا ہے ۔
واضح رہے کیلکو ر میں اس سے قبل بھی فورسز پر تواتر کے ساتھ حملے ہوتے رہے ہیں جن کی ذمہ داری بلوچ آزادی پسند تنظیموں کی طرف سے قبول کی جاچکی ہے ۔ مگر آج ہونے والے اس حملے کی ذمہ داری ابھی تک کسی تنظیم نے قبول نہیں کی ہے۔
