کیچ میں دوران آپریشن کم از کم دو افراد کے جانبحق ہونے کی اطلاعات
دی بلوچستان پوسٹ نیوز ڈیسک کو موصول ہونے والی آمدہ اطلاعات کے مطابق بلوچستان کے ضلع کیچ کے علاقے تمپ رود بن شاھاپ میں ایک وسیع فوجی آپریشن کی اطلاعات ہیں، جس میں کم از کم دو افراد کے جانبحق ہونے کی تصدیق ہوچکی ہے۔
تفصیلات کے مطابق جانبحق افراد کی شناخت ولید ولد موسیٰ اور نقیب ولد رسول بخش کے ناموں سے ہوئی ہے۔
علاقائی ذرائع کے مطابق فورسز کی جانب سے علی الصبح آپریشن کا آغاز کیا گیا جبکہ دوران آپریشن فورسز نے پورے علاقے کو محاصرے میں لیکر آمدو رفت کے تمام راستے بند کردیئے ہیں۔
واضح رہے علاقے میں مواصلاتی نظام نہ ہونے کی وجہ سے بروقت معلومات حاصل کرنے میں دشواری کا سامناکرنا پڑرہا ہے۔
یاد رہے مذکورہ علاقوں میں تواتر کے ساتھ فوجی آپریشنوں کی اطلاعات آتی رہی ہیں، جن میں ابتک ہلاکتوں کی تعداد درجنوں سے تجاوز کرچکی ہیں۔ یہ علاقے سی پیک سے منسلک مختلف منصوبوں کے ملحقہ علاقے ہیں
