دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچ آزادی پسند کارکن اور بلوچ ریبپلکن پارٹی کے سابق نائب صدر حاجی انور ایڈوکیٹ کے پنجگور میں واقع گھر پر فورسز نے چھاپہ مارا ہے۔
تفصیلات کے مطابق اہلخانہ نے الزام عائد کیا ہے کہ فورسز نے چادر و چاردیواری کے تقدس کو پامال کرتے ہوئے، گھر پر چھاپہ مار کر گھر میں موجود تینتیس سالہ مجاہد ولد منور ایڈوکیٹ کو گرفتار کرکے اپنے ساتھ لے گئے ہیں جو تاحال لاپتہ ہیں۔ مجاہد انور ایڈوکیٹ کے بھتیجے ہیں۔
یاد رہے حاجی انور ایڈوکیٹ گذشتہ طویل عرصے سے یورپ میں جلاوطنی کی زندگی گذار رہے ہیں اور بلوچ آزادی پسند تحریک میں متحرک ہیں۔ اس سے پہلے بھی انکے گھر چھاپے لگتے رہے ہیں
