عالمی وباء نے انتہا پسندی کو بڑھایا، غربت کے خاتمے کی جنگ کو متاثر کیا – رپورٹ

رپورٹ میں خبردار کیا گیا کہ آئندہ آنے والے برسوں اور دہائیوں میں دنیا کو بیماری، موسمیاتی تبدیلیوں، نئی ٹیکنالوجی سے رکاوٹیں اور مالی بحران جیسے مزید شدید اور زبردست عالمی چیلنجز کا سامنا کرنا پڑے گا۔

یہ چیلنجز اکثر موجودہ نظام اکثر موجودہ نظاموں اور ماڈلز کی صلاحیت سے تجاوز کر کے باربار کمیونٹیز، ریاست اور عالمی نظام کی اپنائیت اور لچک کو آزماتے رہیں گے۔

عالمی رجحانات کی رپورٹ امریکی نیشنل انٹیلی جنس کونسل (این آئی سی) کی جانب سے ہر 4 سال بعد جاری کی جاتی ہے جس میں پالیسی بنانے والوں کو ان فوری اور طویل مدتی ممکنہ چیلنجز سے خبردار کیا جاتا ہے جن کا سامنا دنیا ہوسکتا ہے۔

156 صفحات پر مشتمل دستاویزات میں کہا گیا کہ عالمی وبا نے اقوام اور معاشروں میں اختلافات کو شدید کردیا ہے، سب کو یہ یاد دلایا ہے کہ وہ اب مزید مسابقتی دنیا میں داخل ہورہے ہیں۔

ایسی دنیا جس میں معاشرے معاشی، سیاسی، نسلی اور مذہبی خطوط پر تیزی سے ٹوٹ پھوٹ کا شکار ہوں گے، وہ قائم شدہ اور نئی نمایاں شناختوں کی بنیاد پر ہم خیال گروپ بنانے کی کوشش کریں گے۔

رپورٹ کے مطابق اس دنیا میں تمام خطوں میں تمام اقسام کی ریاستیں زیادہ مربوط، زیادہ شہری، اور زیادہ بااختیار آبادی کی ضروریات اور توقعات کو پورا کرنے کے لیے جدوجہد کریں گے۔

امریکی انٹیلیجنس کمیونٹی کو یقین ہے کہ عالمی وبا کے بعد کی دنیا میں بین الاقوامی نظام زیادہ مسابقتی ہوگا۔

دنیا تنازع کے شدید خطرے کا شکار ہوگی کیوں کہ ریاستی اور غیر ریاستی عناصر طاقت کے نئے ذرائع کا استحصال کریں گے، نئے چیلنجز دیرینہ اصولوں اور اداروں کو ختم کردیں گے جنہوں نے گزشتہ دہائیوں میں کچھ استحکام فراہم کیا تھا۔