وڈھ کے رہائشی لاپتہ عبدالرشید ولد کریم داد اور میر علی حسن شیخ کے لواحقین نے ان کے بازیابی کا مطالبہ کرتے ہوئے کہا ہے کہ ہم پاکستان کے اختیار داروں سے اپیل کرتے ہیکہ ہمارے پیاروں کو بازیاب کیا جائے، عبدالرشید کو 9 فروری2012 کو حب سے کراچی جاتے ہوئے لاپتہ کیا گیا تھا جبکہ علی حسن شیخ کو 4 نومبر 2011 کو وڈھ سے لاپتہ کیا گیا تھا جو تاحال لاپتہ ہے۔
لواحقین نے اپنے بیان میں کہا ہے کہ اگر ہمارے پیاروں نے کوئی جرم کیا ہے تو پاکستان کی قانوں کے مطابق انہیں عدالت میں پیش کرکے صفائی کا موقع فراہم کیا جائے ۔
لواحقین نے انسانی حقوق کی تنظیموں سے اپیل کرتے ہوئے کہا ہے کہ وہ علی حسن اور عبدالرشید کے باحفاظت بازیابی کے لئے اپنا کردار ادا کریں اور ہمیں اس درد سے نجات دلایا جائے۔
