بلوچستان نیشنل پارٹی کے سربراہ اختر مینگل نے تحریک انصاف کے مرکزی رہنماء جہانگیر ترین سے ملاقات کی ملاقات میں ملکی اور خاص کر بلوچستان کی سیاسی صورتحال پر تبادلہ خیال کیا گیا اس موقع پر وفاقی وزیر دفاع پرویز خٹک بھی موجود تھے ۔
تحریک انصاف کے مرکزی رہنماء جہانگیر ترین نے 6 نکاتی ایجنڈے پر عملدرآمد نہ ہونے پر بلوچستان نیشنل پارٹی کے سربراہ سردار اختر جان مینگل سے معذرت کر لی ۔
سردار اختر جان مینگل نے افغان شہریوں کو پاکستانی شہریت دینے کے معاملے پر تحفظات ظاہر کرتے ہوئے کہا ہے کہ بلوچستان کے مسائل حل کرنے کے لئے تیزی سے اقدامات کرنا ہوں گے۔ جہانگیر ترین نے بی این پی کے حکومت کے ساتھ معاہدے پر عملدرآمد کے عزم کا اعادہ کیا ۔
ذرائع کے مطابق ملاقات میں ملک کی سیاسی صورتحال اور بلوچستان کے امور پر گفتگو کی گئی۔ نجی ٹی وی کے مطابق اختر مینگل نے حکومت سے بی این پی کے ساتھ کئے گئے معاہدے پر عمل درآمد کا مطالبہ کیا ۔
انہوں نے کہا کہ افغان شہریوں کو پاکستانی شہریت دینے کے معاملے پر تحفظات ہیں بلوچستان کے مسائل کے حل کے لئے حکومت کو تیزی سے اقدامات کرنا ہوں گے ۔
ذرائع کے مطابق جہانگیر ترین نے حکومت اور بی این پی کے درمیان معاہدے پر عملدرآمد کے عزم کا اظہار کیا اور کہا کہ وزیراعظم عمران خان بلوچستان کی ترقی میں خصوصی دلچسپی رکھتے ہیں بلوچستان کا احساس محرومی دور کیا جائے گا انہوں نے اختر مینگل کو تحفظات دور کرنے کی یقین دہانی کروائی۔
