بلوچ لبریشن آرمی نے گزشتہ تین ماہ کے دوران بلوچستان کے مختلف علاقوں میں تجارتی روٹ پر پاکستانی فورسز کی چیک پوسٹوں پر حملوں اور انہیں تباہ کرنے کی ویڈیو جاری کردی ہے۔
ویڈیو کیپشن کے مطابق بی ایل اے کے سرمچاروں نے تین ماہ کے دوران مختلف علاقوں میں پاکستانی فورسز کی 14 سے زائد چیک پوسٹوں پر قبضہ کرکے انہیں تباہ کیا اور وہاں موجود اسلحہ اپنے قبضے میں لیا۔
ویڈیو میں بلوچستان کو ایران سے ملانے والی کوئٹہ، تفتان تجارتی روٹ (این 40 شاہراہ) پر تجارتی گاڑیوں کو نشانہ بنانے، کوئٹہ کو کراچی سے ملانے والی پلوں کو دھماکوں سے تباہ کرنے، جبکہ ایف سی اور پولیس کی چیک پوسٹوں پر حملوں کے مناظر شامل ہیں۔
ویڈیو میں پولیس اور لیویز اہلکاروں کو گرفتار کرنے اور ان سے اسلحہ قبضے میں لینے کے مناظر بھی دکھائے گئے ہیں۔
بلوچ لبریشن آرمی نے رواں سال بلوچستان کو ایران سے ملانے والی تجارتی روٹس پر ایل پی جی، تیل اور دیگر سامان کی تجارت پر پابندی کا اعلان کیا تھا، جس کے بعد مختلف علاقوں میں تجارتی گاڑیوں اور ان کی حفاظت پر مامور پاکستانی فورسز کو متعدد حملوں کا سامنا رہا ہے۔
قبل ازیں معدنیات لیجانے والی گاڑیاں کو تنظیم کی جانب سے متواتر حملوں میں نشانہ بنایا گیا جس کے باعث معدنیات لیجانے والی گاڑیوں نے لوڈنگ بند کرنے کا اعلان کیا تھا۔
