پنجگور کے علاقے سوردو میں گزشتہ رات نامعلوم مسلح افراد نے ایک گھر پر حملہ کرتے ہوئے چار افراد کو ہلاک کردیا ۔
ذرائع کے مطابق ہلاک ہونے والوں کی شناخت غلام سرور ولد محمد نور، اسلام اور نظام ولد غلام سرور (سکنہ گچک، سوردو) حبیب اللہ ولد شاہ محمد (سکنہ گریشہ خضدار) اور علی احمد (سکنہ کوئٹہ) کے ناموں سے ہوئی ہے۔
مقامی ذرائع کا کہنا ہے کہ مارے گئے افراد کا تعلق ایک سرکاری حمایت یافتہ مسلح گروہ سے تھا جو علاقے میں سماجی برائیوں سمیت نوجوانوں کے اغوا اور ماورائے عدالت قتل میں ملوث رہے ہیں۔
اس واقعے کی ذمہ داری کسی مسلح تنظیم نے قبول نہیں کی ہے، تاہم ماضی میں ایسے حملوں کی ذمہ داری بلوچ مسلح آزادی پسند تنظیمیں قبول کرتی رہی ہیں۔
