گذشتہ شب سی ٹی ڈی کے ایک جعلی مقابلے میں مارے جانے والے پانچویں شحض کی شناخت بصارت سے محروم لاپتہ شخص کے ذاکر کے نام سے ہوئی ہے۔
واضح رہے کہ واشک میں مارے جانے والے افراد میں سے پہلے چار کی شناخت محمد یاسین، فہد علی، جمال دین اور عبید اللہ کے طور پر ہوئی تھی جبکہ ایک کی شناخت نہیں ہوسکی تھی۔
ذرائع کے مطابق مذکورہ افراد مبینہ طور پر پہلے سے زیر حراست افراد ہیں جن کو سی ٹی ڈی نے جعلی مقابلے میں قتل کردیا ہے۔
جبکہ پانچویں شخص کی شناخت رواں سال جون کو پاکستانی فورسز کے ہاتھوں پنجگور کے علاقے بونستان سے جبری لاپتہ بصارت سے محروم شخص ذاکر ولد رحمت کے نام سے ہوا ہے جنہیں وسیم ولد عبدین نامی شخص کے ساتھ لاپتہ کیا گیا تھا۔
