پاکستانی فورسز نے متعدد افراد کو حراست میں لیکر لاپتہ کردیا ہے۔
بلوچستان کے ضلع سبی کے علاقے لہڑی کے گرد نوا میں پاکستانی فورسز کا بڑے پیمانے زمینی و فضائی آپریشن آج دن بھر جاری رہا جبکہ پاکستانی فورسز نے اس دوران گھر گھر تلاشی لی۔
سبی سے اطلاعات کے مطابق پاکستانی فورسز نے اس دوران گھروں پر چھاپوں اور علاقے سے دس کے قریب افراد کو حراست میں لیکر اپنے ہمراہ لے گئے ہیں۔
پاکستانی فورسز کے ہاتھوں حراست بعد تمام افراد کو نامعلوم مقام پر منتقل کردیا گیا جس کے بعد سے وہ منظرعام پر نہیں آسکے ہیں، جبکہ آخری اطلاعات تک لہڑی و گردونواح میں پاکستانی فورسز کا آپریشن جاری رہا۔
سبی لہڑی سے حراست میں لئے گئے افراد کے شناخت کے حوالے سے معلومات نہیں مل سکی ہے جبکہ علاقے میں آپریشن کے باعث مبائل نیٹورک و انٹرنیٹ تاحال بحال نہیں کئے جاسکے ہیں۔
