بلوچستان کے علاقے کوہلو میں بارودی سرنگ سے ایک گاڑی ٹکرا گئی جس کے نتیجے میں تین افراد زخمی ہوگئے۔
لیویز کا کہنا ہے کہ زخمیوں کو اسپتال منتقل کر دیا گیا ہے۔ جبکہ زخمیوں میں حلقہ پی بی 09 کے آزاد امیدوار لیاقت مری کے بھائی مصطفی مری بھی شامل ہیں۔
واضح رہے کہ بلوچستان میں قبل از انتخابات دھماکوں کا سلسلہ جاری ہے۔ اس دروان بلوچ مسلح تنظیموں کے اتحاد براس نے دس دنوں میں ایک سو بارہ حملوں کی ذمہ داری قبول کرلی ہے۔
