بلوچستان کے شہر تربت میں ڈی بلوچ کے مقام پر لاپتہ افراد کی بازیابی کے لیے دو ہفتوں سے جاری دھرنے کو مذاکرات کے نتیجے میں موخر کردیا گیا۔
پولیس افسران اور متاثرہ فیملی کے درمیان تین افراد کی بازیابی اور دیگر تین کے متعلق اطلاع کی فراہمی کی شرط پر دھرنا ختم کردیا گیا۔
ایس ایس پی کیچ اور پولیس افسران کے ساتھ مذاکرات کے بعد ڈی بلوچ پوائنٹ پر گذشتہ دو ہفتوں سے جاری دھرنا موخر کردیا گیا، پولیس افسران نے فوری طور پر تین لاپتہ افراد کی بازیابی اور دیگر تین کو عدالتوں میں پیش کرنے کی تجویز پیش کی جسے مظاہرین نے قبول کیا۔
مظاہرین کے مطابق ایس ایس پی کیچ کی سربراہی میں ایک وفد نے ڈی بلوچ پوائنٹ پر مظاہرین کے ساتھ مذاکرات میں تجویز پیش کی کہ لاپتہ افراد میں سے تین کو چوبیس گھنٹوں کے اندر بازیاب کیا جائے گا جب کہ دیگر تین نوجوانوں کو عدالتوں میں پیش کیا جائے گا۔
مظاہرین نے اس شرط پر دھرنا ختم کردیا۔
