تربت میں سی ٹی ڈی کے ہاتھوں جعلی مقابلے میں قتل ہونے والے بالاچ مولا بخش کے ورثا کے مطالبات کے حق میں بلوچ سٹوڈنٹس آرگنائزیشن کا سریاب روڈ پر دھرنا جاری، سڑک ہر قسم کی ٹریفک کے لئے بند کردیا گیا ہے۔
بلوچ اسٹوڈنٹس آرگنائزیشن کے مرکزی کال پر تربت میں سی ٹی ڈی کے جعلی انکاونٹر میں شہید ہونے والے بلوچ نوجوانوں کی قتل کے خلاف جاری دھرنے کی حمایت اور بلوچستان میں جاری جبری گمشدگیوں، فوجی آپریشن کیخلاف بی ایس او کے کال پر سریاب روڈ کو طلباء نے احتجاجاٙ ٹریفک کیلئے مکمل بند کردیا۔ طلباء بالاچ مولا بخش کے ورثا کے مطالبات کے حق میں نعرہ لگاء رہے ہیں اب تک انتظامیہ سے ہونے والے مزاکرات ناکام ہوچکے ہیں۔
چئیرمین بی ایس او بالاچ قادر مرکزی کابینہ و دیگر تنظیمی اراکین کے ساتھ آج 27 نومبر صبح 11 بجے دھرنے میں شامل ہونے کیلیے پہنچے اور تنظیمی ذمہ داران کے ہمراہ چئیرمین بی ایس او کیچ میں شہید فدا چوک میں جاری دھرنے میں شرکت کر رہے ہیں۔
