بلوچستان کے ضلع کیچ سے پاکستانی فورسز نے پانچ افراد کو جبری گمشدگی کے شکار بناکر نامعلوم مقام منتقل کردیا ہے۔
تفصیلات کے مطابق پاکستانی فورسز نے بلیدہ کے علاقے میناز ڈن سر میں چھاپہ مارکر دو بھائیوں سمیت پانچ افراد کو جبری گمشدگی کے شکار بناکر نامعلوم مقام منتقل کردیا ہے۔
لاپتہ ہونے والوں کی شناخت وسیم ولد حاجی شریف، یار جان ولد منظور، عزیر ولد حکیم، غفور ولد حمید اور عبدالباسط ولد حمید کے ناموں سے ہوئی ہے۔
علاقائی ذرائع کے مطابق مذکورہ افراد کو آج بعد از مغرب فورسز نے گھر پر چھاپہ مارکر حراست میں لینے کے بعد لاپتہ کردیا ہے۔
