پاکستانی فوج کے شعبہ تعلقات عامہ آئی ایس پی آر نے دعویٰ کیا ہے کہ بلوچستان کے علاقے کیچ میں فورسز نے مسلح افراد کا حملہ ناکام بناتے ہوئے جوابی کارروائی میں 8 مشتبہ افراد کو مار دیا
پاکستانی فوج کے شعبہ تعلقات عامہ آئی ایس پی آر کے مطابق کیچ میں مسلح افراد کی جانب سے فورسز کے قافلے پر حملہ کیا گیا۔
آئی ایس پی آر نے دعویٰ کیا کہ سیکورٹی فورسز نے بغیر کسی جانی نقصان کے مشتبہ افراد کا حملہ ناکام بنا دیا۔
شعبہ تعلقات عامہ کے مطابق فورسز کے قافلے پر حملہ 22 فروری کی شام کو کیا گیا، 23 فروری کی صبح سیکورٹی فورسز نے فالو اپ آپریشن کرتے ہوئے فائرنگ کے تبادلے میں 8 مشتبہ افراد کو مار دیا۔
آئی ایس پی آر کے مطابق ہلاک مشتبہ افراد کے قبضے سے اسلحہ اور گولہ باردو بھی برآمد ہوا۔
